Bandera di korsow

Bandera di Korsow
Intruduction
Pueblo di Korsow ta forma parti de Antianan Ulandes, Antianan Ulandes tin su
Bandera, su Eskudo i su Himo, ku ta simbolisá r totaliddat di e sinku islanan ku ta forma Nos
Pais.
Forsa bienestar, amor, fieldat i unidat di e partinan ku ta e teritorionan insular, ta determiná
forsa i bienestar di Nos Pais. Pa asentuá esaki i pa demostrá mundu Nos Indentidat, nos komo
pueblo tin mester di nos indentifikashon propio: Nos Bandera.
Historia
Tur tempu bandera tabata un medio international pa indiká indentidat di un pueblo, un pais òf
un region. Bandera, huntu ku eskudo i himno ta forma simbolo di un pais. Pa biba na pas ku
otro, nos mester respertá otro su simbolonan.
E banderanan di mas biew no ta banderanan nashonal, sino banderanan di famianan noble, di
aldeanan, siudatnan i regionan. Antes korporashonan (sosiedat di fishi) i tambe kompanianan
di komersio tabatin nan propia bandera.
Pokopoko i ku hopi lucha, den kusrso di historia, e partinan ariba menshoná a forma
estadonan nashonal ku a aseptá banderanan nashonal.
Asina tambe a sosodé nèt kontrali. Promé kada parti ta aseptá un bandera nashonal i despues
nan ta bira konsiente ku ta e partinan ta determiná esensia di Estado. E konsiensa aki ta haña
su ekspreshon den un bandera, un eskudo i un himno propio.
Uso internashonal
Kasi tur pais a stipulá regla pa uso di bandera, speshalmente pa evitá maluso di banderanan
ofsishal. Den algun pais ta hasta prohibi pa ken ku ta, hisa bandera. Na otro paisnan por usa
bandera solamente na okashonan speshal. Tambe tin pais ku ta permiti nan habitantenan hisa
bandera ki ora ku nan ke, pa asina promové uso di nan bandera.
Kon nos bandera a nanse
Gobièrnu di Korsow, pa disishon di 12 di mei 1981 no. 81/1170, a instalá un komishon ku a
haña komo taream bini ku un proposishon pa asina yaga na un bandera pa Teritorio Insular di
Korsow. Pa realisa esaki, i komishon mester a tene un konkurso.
For di e mil sheteshen deiseñonan ku a drenta e Komishon di Bandera a saka dies i finalmente
Konseho Insular di Korsow askohe e aktual bandera for si e dies siseñonan aki.
Aprobashon di e ‘Dekreto Insular di Bandera di Korsow’a tuma lugá riba 2 di juli 1984.
Motibu ku a skohe pa e fecha aki ta, komo ku riba e dia històriko di 2 july 1951, Konseho
Insular di Korsow areuni pa di promé biaha i asina duna inisio na funshonamentu di
outonomia den práktika.
Komposishon
Nos bandera tin un forma rektangular ku di ariba bai abou, ta parti den tres faha horinzontal:
blou, hel i blou.
Den e parti ariba di e banda kaminda e kabuya di e bandera ta pasa (broektop), tin dos strea un
grandi un chiki di sinku punta.
Un punta di kada strea ta mustra stret ariba.
E kolonan

E koló blou di e bandera di Korsow ta ultramarino i e hel ta koló hel lamunchi.
E faha mas ariba ta simbolisá nos shelu, miéntras ku e faha mas abou ta simbolisá e laman ku
ta rondoná Korsow. E koló blou ta simbolisá fieldat di nos pueblo.
E faha hel ta simbolisá nos solo skerpi i e karakter alegre di nos pueblo.
E sinku puntanan di e streanan ta simbolisá e sinku kontinentenan si unda e difernere
gruponan di poblashon di Korsow a sali Amerika, Australie, Azie, Afrika i Europa.
Strea tambe ta simbolo di konfiansa, speransa i espektashon. E koló blanku di e streanan ta
simbolisá pas ifelisidat ku nos tur ta aspirá.
Esakinan ta e faktornan esensial pa e metanan di un pueblo ku ta buska su kaminda entre
Estado- i Pueblonan.

Source: http://www.annapetrona.nl/Bandera%20di%20Korsow.pdf